Mensagens desde a prisom dos co-presidentes do HDP Demirtas e Yuksekdag

dermitas-e-yuksekdag-arti
Figen Yuksekdag e Selahattin Demirtas / HDP

Os co-presidentes do Partido Democrático Popular (HDP – Partido Democrático dos Povos) Selahattin Demirtas e Figen Yuksekdag, enviaram as primeiras mensagens desde a prisom.

Os co-presidentes forom detidos nas primeiras horas da manhá do venres e formalmente acusados de pertença a umha organizaçom ilegal no mesmo dia.

Demirtas, que foi levado em helicóptero a prisom de máxima segurança Tipo F [com celas de ilhamento e ate agora para cumprir condeas em firme] de Edirne, na Turquia europeia, enviou umha carta curta ao través do seu avogado.

Nela, o co-presidente do HDP escriviu:

“Gostaria primeiro de estender o meu mais caloroso amor e respeito a todos os amigos. A nossa ilegal prisom limita-se a somar-se à escuridade profunda ao que o nosso país está sendo arrastado a cada dia. No entanto, aqueles que pensam que nos podem obrigar a render nesta escuridade devem saber muito bem que um único fósforo, umha única vela é suficiente para iluminar a escuridade. Qualquer que seja o nosso lugar e condiçons, continuaremos, se é necessário, a arder como umha vela para que o nosso povo viva em paz num futuro livre. Todo o mundo deve continuar o seu trabalho como parte da luita pola democracia e deve luitar sem pausa para levantar essa escuridade para o nosso futuro brilhante. A minha moral é alta, minha saúde é boa. Com agarimo.”

A outra co-presidente do partido Figen Yuksekdag, que foi transferido para a prisom de máxima segurança Tipo F de Kocaeli, também enviou umha nota manuscrita para os militantes do HDP.

“Apesar de todo, eles nom podem erradicar a nossa esperança ou quebrar a nossa resistência. Seja na prisom ou nom, o HDP e nós, ainda somos a única opçom da Turquia para a liberdade e a democracia. E é por isso que eles tenhem tanto medo de nós. Nom, nem um só de vos, deixede-vos desmoralizar; Nom deixar cair a sua guarda, nem enfraquecer a resistência. Nom esqueçades que este ódio e agressom está enraizada no medo. O amor e a coragem ao final vam ganhar. Com meu caloroso amor e saudaçons.”

O HDP considera a prisom ilegal dos 9 deputados como a de “reféns.”

Recolhido de Kurdishquestion.com